گەنجەك ڤەكۆلینێن زانستی لدۆر فلكلۆرێ شنگالێ ئەنجام ددەت
تۆرا لالش یا راگەهاندنێ
گەنجەكی شنگالێ بناڤێ(نزار میرزا ئۆمەر)بەرنیاس ب نزار شنگالی چەندین ڤەكۆلینێن زانستی لدۆر فلكلۆری ئەنجام داینە و پشكداری ل كۆنفرانس و ڤیستەڤالان دا كریە،هەروەسا بتریا روودانێن سترانان ژبەر كرینە.
نزاری بۆ دەنگێ لالش گۆت:دتەمەنێ(13)سالیێ دا حەزا فلكلۆری ل نك وی پەیدابوویە و دەست ب گۆتنا هۆزانان دكت،پاشی حەزا وی بەرەف سترانا فلكلۆری ڤە چۆیە و دەست ب گۆتنا سترانێ كریە، هەر چەندە ژ گۆتنا سترانێ هەول دایە روودانێن چیرۆكێن راستەقینەیێَن ڤان سترانا بزانت بڤی ئەگەری هەتا نهۆ چەندین ڤەكۆلینێن زانستی لدۆر فلكلۆرێ شنگالێ ب گشتی ئەنجام داینە و بوویە شارەزایەك دڤی بواری دا و بتریا روودانێن ڤان سترانان ژبەركرینە،ل پێرا پشكداری كۆنفرانس و ڤیستەڤالان بوویە.
ناڤهاتی ژ دایك بوویێ سالا(1997)ێ خەلكێ گوندێ رەمبووسی یە سەر ب باژارێ شنگالێ ڤە ،سەرەرای هەموو نەخۆشیێن ژیانێ كاریە بەردەوامیێ بدەتە خووندنا خۆ،كو نهۆ ل كولیژا زمان پشكا زمان و ئەدەبێ كوردی دخوونت.
تُتاح هذه الصورة أيضا في: کوردی