حوری وەش
سەلمان نهێلی
ئەو دێم گەشە،حوری وەشە (شمس الچحی)یە
ئەو روی رۆژە،نوی بشكوژە ، دل روبایە.
گول پەرەستم،گول ل دەستم،ژمسك و عەنبەران لێكدایە
بێهنا مسكێ،دفریت ژ بسكێ،بێن خۆشە وەك(كەربەلایە)).
بێهنا مسكان،سرا بسكان،ل دێمی سەیوان ڤەدایە
زولفێن درەش،دگەل بای دمەش،دكر سەمایە.
دل نشینە،شرین جڤینە،سینگ قەلایە
ئەز شاهسوار،تم ب ئێك جار،دكرم پەیایە.
بەژن و بالا،خەت و خالا،دل رەڤایە
یا كەڤان ئەبرو،بچاڤا ئەڤرۆ،كرم موبتەلایە.
ئاڤا حەیات،قەند و نەبات،لسەر رویێن وێ خویایە
كەنی قەندە،دل پەسەندە،ئەڤین دروشم و ئالایە.
ل ڤێ شوپێ،ڤەدخۆم ژ كوپێ،مەی بەلایە
ڤین پەروەرم،دل كەركەرم،ئەو تەبایە.
ئەو روو سپەهی،خوخ لێ گەهی،و لمن خەلایە
مزا لێڤا،شەربەتا سێڤا خوش دەوایە.
من گو دل دزی،ماچەك دزی؟ماچ مفایە
گۆت من ژتەرا،كوچك و سەرا،وێ بدایە.
من گۆت شاهێ،هو روو ماهێ،جان فیدایە
گۆت جان و دل،بەژن و خەمل،ژ تەرا مایە.
تُتاح هذه الصورة أيضا في: کوردی