پەرتۆکا (دارا ژیانێ) هاتە به‌لاڤكرن
تۆرا لالش/هۆگر نەجیب
نڤیسکار حسێن حاجی ئۆسمان پەرتۆکا دارا ژیانێ چاپکر، نڤیسەر دیدارەکێ بۆ تۆرا لالش یا ڕاگەهاندنێ بەحسا پەرتۆکا خوە دکەت و دبێژت، ناڤێ پەرتۆکا من دارا ژیانێ یە و ل بن ڤێ دارێ هەموو پێکهاتێن کوردستانێ و عیراقێ لێ دژین، لێ د وەختەکی دە دەستەکێ چەپەل یێ دەرەکی دئێت پێکهاتێن نەتەوەیی و ئاینی لێکدئێخت و ناڤبەرا وان نەخۆش و ئالۆز دکەت و ل دوماهیێ هەموو پێکهاتە ب گیانەکێ برایانە ئەوی دەستێ چەپەل یێ دەرەکی دگرن و رۆناهی دیسان پەیدا دبت و هەموو پێکهاتە ل بن دارا ژیانێ ژیانا خۆ دەرباز دکەن.
گۆتژی، دارا ژیانێ بەرهەمەکە ژ شانۆگەرییێن من کو ژ هەفت شانۆگەرییان پێکدئێت و هەموو ل سەر ئێش و ئازارێن مە ئێزدیانە، هەروەسان هەموو شانۆگەری هاتینە نمایش کرن، هەروەسان هەروەسان مەبەست ژ دانانا ناڤێ دارا ژیانێ بۆ کەڤناتییا ئێزدیانە چنکو مللەتێ مە ئەڤ دارە پاراستییە و هێدی هێدی جیێ مە ژ ئەگەرێ فرمانە یێ بچوک بووی لەوران پێتڤییە مە ئێزدیان بەهرە خۆ پتر ژ نۆکە د بەرهەمێ ڤێ دارێ دە هەبت، هەروەسا چنکو ژمارا هەفت ل جەم مە ئێزدیان یا پیرۆزە لەوران من ژمارا شانۆگەریێن ڤێ پەرتۆکێ من گەهاندە هەفتا هەرچەندە د شیاندابوو زێدە ژی بکەم.
نڤیسکار حسێن حاجی گۆت، ۲۷ئادارێ ل سەرانسەری جیهانێ ب رۆژا شانۆیێ هاتییە دیارکرن، و شانۆ هۆنەرەکێ پێشکەفتی ۆ مرۆڤایەتییە لەوران د ڤێ رۆژێ دە من پەرتۆکا خۆ بەلاڤکر، هەروەسان ئەز بتنێ پەرتۆکێ د دەمە وی/وێ کەسی یێ کو دزانم دێ خونت.
دیار ژی کر،من پەرتۆک ل سەر کیستێ خۆ چاپکرییە و هیچ جهەکێ شۆلەژێ د چاپکرنێ دە هاریکاری نەکرییە و پتریا پەرتۆکێن خۆ من ل سەر کیستێ خۆ چاپکرینە و دێ بەردەوام بم.
نڤیسکار حسێن حاجی گۆت،هەروەسان ئەڤە هەیاما ۲۷ سالایە کارێ شانۆگەرییان دکەم، و پتریا دەڤەرێن ئێزدییان ژبلی دەڤەرا شنگالێ من شانۆگەری نمایش کرینە، شانۆ هۆنەرەکێ پیرۆزە و د رێ و رەسمێن ئێزدیا ژی دە رەنگ ڤەدایە، و هەروەسان هۆنەرەکێ زێندییە ئێکسەر پەیام دگەهتە جەماوەری، و دخوازم لایەنێن هۆنەری زێدەتر خوە ل شانۆێ بکەنە خودان.
تُتاح هذه الصورة أيضا في: کوردی
