ئهنقهره گهفا ههلوهشاندنا رێككهفتنا دگهل ئێكهتییا ئهورۆپی دكهت
وار
وهزیرێ دهرڤهیێ توركیا گهفێن ههلوهشاندنا رێككهفتنا كۆچبهران ل ئێكهتییا ئهورۆپا دكهت، ئهگهر رێ بۆ وهلاتیێن تورك نههێته ڤهكرن، بێی ڤیزه سهرا ئهورۆپا بدهن.
مهولود جاویش ئوغلۆ د دیدارهكێ دا دگهل رۆژنامهكا ئهلمانی راگههاند؛ وهلاتێ وی دێ رێككهفتنا راگرتنا كۆچبهران بۆ وهلاتێن ئهورۆپا ههلوهشینت، ئهگهر ئێكهتییا ئهورۆپا مافێ گهشتكرنا بێی ڤیزه نهدهته وهلاتیێن توركیا.
ب گۆتنا وهزیرێ دهرڤهیێ توركیا، ئهنقهره رێكارێن گهلهكێن گرنگ بۆ رێگرتنێ ل كوچبهران بۆ ئهورۆپا گرتینه بهر، داخازا ژی كر گهشتا بێی ڤیزه یا وهلاتیێن تورك بۆ ئهورۆپا كارا ببیت، ئهگهر نه، رێككهفتن دێ هێته ههلوهشاندن.
ئهڤ داخۆیانییا چاویشئوغلۆ ل دهمهكی یه، كومسیارێ ئێكهتییا ئهورۆپا پێشتر راگههاندبوو؛ د ئهڤسالهدا ئهو مافێ سهرهدانا بێی ڤیزه نادهنه توركیا، ژبهر رێكارێن حكومهتا وێ یێن دژی كۆدهتاچییان.
تُتاح هذه الصورة أيضا في: کوردی