ئێكهتيا مامۆستایان دهربارەی پاشكهفتێ مووچەى پرۆژەیەکى ئاراستەی حکوومەتێ دكت
باسنيۆز:
یەکێتیی مامۆستایانی کوردستان، پڕۆژەیەک لەبارەی سیستمی پاشکەوتی مووچەوە ئاراستەی سەرۆکایەتیی ئەنجومەنی وەزیران دەکات و تێیدا داوادەکات، پێداچوونەوە بەو سیستمەدا بکرێت و پاشەکەوتکردن لەسەر بنەمای پلەی وەزیفی بێت.
لە پڕۆژەکەی یەکێتیی مامۆستایانی کوردستاندا کە وێنەیەکی دەست ئاژانسی (باسنیوز) کەوتووە، داواکراوە: “پاشەکەوتکردن لەسەر بنەمالی پلەی وەزیفی بێت و پلەی وەزیفی 7-8 تەنھا 10%ی مووچەکانیان پاشەکەوت بکرێت، چونکە زۆرینەیان لەو مامۆستایانەن کە ھاتوچۆی دەرەوەی شار دەکەن و مانگانە لانیکەم 150 ھەزار بەکرێی ھاتوچۆ دەدەن”.
هاوکات پێشنیار کراوە، پلەی وەزیفیی 5-6 بڕی پاشکەوتیان بکرێت بە 20% و پلەی وەزیفی 3-4 بکرێت بە 30% و پلەی وەزیفی 1-2 پاشەکەوتەکەیان بۆ بکرێت بە 40% و مامۆستایانی گرێبەستیش ھیچ پاشەکەوتێکیان بۆ نەکرێت، چونکە ”زۆرینەیان لەناوچە دوورەکانن”.
لە پڕۆژەکەدا ئاماژە بەوەش دراوە: “ڕاستە سیستمەکە بیناقاقای ھەموو لایەکی گرتووەتەوە، بەڵام مامۆستایان زەرەرمەندی یەکەمن، چونکە مامۆستایان دەتوانن تەنھا کاری مامۆستایی بکەن و کاتی ئەوەیان نییە کارێکی سەربەخۆ بکەن، ھەروەک نیوەی مامۆستایان لە ھەردوو وەزارەتی پەروەردە و خوێندنی باڵا ھاتوچۆی دەرەوە و شارەکانیتر دەکەن”.
تُتاح هذه الصورة أيضا في: کوردی