باشترین و خرابترین دەم بۆ خارنا فێقیێن جودا جودا
ئێن ئارتى
گوماند د وێ یەکێ دا نینە کو خارنا فێقى گەلەکا مفادارە بۆ لاشێ مرۆڤی و ئەم هەمی ژی ڤێ راستیێ دزانین و د هەمان دەمدا چەند دەمەکێت هەین کو ئەو دەم مفایێ ژبۆ لاشەی چەند قات دکەن.
لاشێ مرۆڤی هەر رۆژ پێدڤی ب سێ یان چار جارا خارنا فێقیێ جودا جودا هەیە کو نێزیکی وەزنا سێ یان ژی چار سێڤێن ناڤنجی دکەتن و هەلبژارتنا دەمێ خارنێ ژی پترین مفایێ ب لاشەی دگەهینیت ب تایبەتی بۆ مەفا وەرگرتنا لاشەی ژ مادە و ڤیتامینان و هەروەسا داکو ژلایێ کۆئەندامێن هەرسکرنێ ب باشی بهێنە حەلکرن ئان کو هەرسکرن.
پسپۆرێن ساخلەمیێ و یێن خۆراکان تەکەز ل سەر وێ چەندێ دکەن باشترین دەم بۆ خارنا فێقیێن جودا جودا سپێدێ و بەری خارنا سپێدێ یە ب بیست بۆ سهـ خولەکان چونکی سپێدێ لاشە پێدڤی ب ئاڤێ و مادە و ڤیتامێنێت ناڤا فێقییە و وزەی ئان کو تاقێ ب لاشێ مرۆڤی ددەن و مەعیدە ژی ب سەناهی حەل دکەت.
خرابترین دەمێ خارنا فێقی ژی شەڤە و بەری نڤستنێ چونکی پڕانیا فێقییان شەکرێ تێدا و شەکرێ ناڤا فێقی ژی سەدەمەکە بۆ تێکچوونا نڤستنێ و هەروەسا پێدڤیێت لاشەی ژی د وی دەمی دا ب کالۆریێ نینە، لەوما ئەو وزە ئان کو ئەو تاقێ کو دهێتە بدەستڤە ئینان وەکی چەوریەکێ کۆمدبیت و وەسا چێترە د وی دەمی دا بهێتە خارن کو لاشە پێدڤییە.
پسپۆرێن خۆراک و یێن ساخلەمیێ ئاماژە ب وێ ئێکێ ژی دکەن چ جارا فێقی دگەل خارنێن دی تر دا نەخۆن چونکی ئاریشا هەرسکرنێ دروست دبیت و مەعیدە راستی بارگرانیێ دهێت، وەسا چێترە فێقی ب دوو دەمژمێران پشتی نانخارنێن سەرەکی بهێتە خارن.
جهێ بیرئانینێ یە خارنا فێقیێن جودا جودا ب هەڤرا ئاریشەکا وەسا دروست ناکەت و چێدبیت ژی یا مفادار بیت و ناچێبیت دگەل فێقی دا ئاڤ بهێتە ڤەخارن چونکی توڤلێ فێقی ئان کو پوشکێ فێقی ب سەدەمێ ئاڤ ڤەخوارنێ دێ ب مەعیدێ ڤە نوسیێت و ب ڤێ ژی ئاریشێ بۆ وی کەسی دروست دبیت و مەعیدە راستی ترشبوونێ دهێت.
تُتاح هذه الصورة أيضا في: کوردی