یەپەگە: بۆ رۆژا دووەم فرۆکێن جەنگیێن سوریا باژێرێ حەسەکە بۆردومان کر
ئێن ئارتى
یەپەگە راگەهاند بۆ دووەم رۆژ لسەر ئێک فرۆکێن جەنگیێن سوریا چەند تاخێن کوردان ل باژێرێ حەسەکە بۆردومان کرن.
رێدور خەلیل پەیڤدارێ یەکینەیێن پاراستنا گەل ( یەپەگە) راگەهاند” بۆ دووەم رۆژ لسەر ئێک فرۆکێن رژێما سوریا چەند تاخێن کوردان ل باژێرێ حەسەکە بۆردومان کرن و ژبەر وی بۆردومانێ هێزێن مە دەست کرینە ب ڤەگوهاستنا هزاران ئاکنجیێن وی باژێری”.
بەری نها ژی هەرێما فیدرالا رۆژئاڤا، تورکیا ب ئێکێ تۆمەتبار کر کو ل پشت هێرشا ڤێ دوماهیێ یا رژێما بەعسا سوریا بویە بۆ سەر پێگەهێن هێزێن کوردی ل باژێرێ حەسەکێ.
دوهی ژی هێزێن پاراستنا گەل ( یەپەگێ) د راگەهاندنەکێ دا بەلاڤکر ، فرۆکە و توپخانێن رژێما سوریا چەند تاخێن باژارۆکێ حەسەکە و بارەگەهێن هێزێن ئاسایشێ تۆپباران و بۆردومان کرن، کو بویە ئەگەرێ شەهید و برینداربوونا بدەهان وەلاتیێن سڤیل.
تُتاح هذه الصورة أيضا في: کوردی