سهرۆكایهتییا ههرێما كوردستانێ ب دژواری بهرسڤا نوری مالكی دا
WAAR-دهۆك:
سهرۆكایهتییا ههرێما كوردستانێ، بهرسڤا نوری مالكی سهرۆكوهزیرێن بهرێ یێ ئیراقێ دا و راگههاند؛ گهڤێن مالكی چو بهایێن خوه نینن و گهر راست بكهت، گۆرهپان یا ڤهكرییه و بلا خوه تاقی بكهت. د راگههاندنهكێ دا، دكتور ئومێد سهباح پهیڤدارێ سهرۆكایهتییا ههرێمێ راگههاند؛ دهمهكه نوری مالكی ژبۆ بانگهشهیا ههلبژارتنان فێری دوژمنایهتییا خهلكێ ههرێما كوردستانێ بوویه، لێ گۆتنێن وی و ئهو خهلكێ لدووڤ ئاخفتنێن وی دكهڤن، چو بها نینن. دایه زانین ژی، كهسهكێ وهكو مالكی كو تا سهر ئیراق خستییه دناڤا گهندهلی و دزی و مهترسیێن ئێمناهیێ دا، ئهو كهسێ كو دستوورێ ئیراقێ دانایه بن پێن خوه و وهلات رادهستی تیرۆر و داعشێ كری، شهرمه بهحس ل ئێك پارچهییا ئیراقێ و پابهندبوونێ ب دستووری بكهت. ئاماژهكرییه ژی كو سهرخوهبوونا كوردستانێ، مافهكێ رهوایێ گهلێ كورده و ب چو رهنگان نابیت ئاخفتنێ ل سهر بكهت و بلا مالكی باش بزانیت كو بۆ سهرخوهبوونێ ههموو كورد و ئالییێن سیاسی ههڤڕا و ئێكدهنگن و گهر دلێ وی ب بێ ئیرادهییا چهند كوردهكان خوش بیت، بلا مالكی پشتراستبیت كو جهێ وی و كوردێن ب سهر وی ڤه، زبلدانكا دیرۆكێ یه.
تُتاح هذه الصورة أيضا في: کوردی