بارزانی: چو وه‌لاتێن جیهانێ ل دژی سه‌رخوه‌بوونا كوردستانێ نینن
waar – دهوك
سه‌رۆكێ هه‌رێما كوردستانێ راگه‌هاند؛ چو وه‌لاتێن جیهانێ ل دژی سه‌رخوه‌بوونا كوردستانێ نینن و گه‌ر ئه‌و پشتراست نه‌بیت كو سه‌رخوه‌بوون سه‌رناگریت، ئه‌و موجازه‌فێ ناكه‌ت.
پشتی كۆمبوونا دگه‌ل فره‌نسوا ئۆلاند سه‌رۆكێ فره‌نسا، مه‌سعوود بارزانی سه‌رۆكێ هه‌رێما كوردستانێ د داخویانیه‌كێ دا گۆت: گرنگترین خالا دیدارێن وی دگه‌ل به‌رپرسێن ئه‌ورۆپی، مژارا سه‌رخوه‌بوونێ یی نها ژی، چو وه‌لاتێن جیهانێ ل دژی سه‌رخوه‌بوونا كوردستانێ نینن، به‌لكو تێبینی ل سه‌ر ده‌مێ وێ هه‌نه و گه‌ر ئه‌و پشتراست نه‌بیت كو سه‌رخوه‌بوون سه‌رناگریت، ئه‌و موجازه‌فێ ناكه‌ت.
ده‌رباره‌یی پێڤاژۆیا ئاشتیێ ل توركیا بارزانی گۆت: د نها دا، ره‌وشا ناڤخوه‌یا توركیا بۆ ده‌ستپێكرنا پێڤاژۆیا ئاشتیێ یا گونجایی نینه و ده‌ستپێكرنا پێڤاژۆیێ پێدڤی ب ده‌مه‌كێ زێده‌تره، بارزانی داخواز ژ ئالیێن رۆژئاڤایێ كوردستانێ ژی كر، ده‌ست ب دانوستاندنان بكه‌ن و ڤه‌گه‌رنه رێكككه‌ڤتنێن هه‌ولێر و دهۆكێ.
ده‌رباره‌یی نشته‌رگه‌ریا بۆ هاتیه كرن، سه‌رۆكێ هه‌رێما كوردستانێ سه‌رباری پشتراستكرنا وی نووچه‌یی گۆت: نها ره‌وشا وی گه‌له‌ك باشه و نشته‌رگه‌ریه‌كا سه‌ركه‌ڤتیانه بۆ چاڤێ وی هاتیه‌كرن، ب ره‌نگه‌كی كو ئێدی ئه‌و پێدڤی به‌رچاڤكان نابیت.
تُتاح هذه الصورة أيضا في: کوردی