رۆسیا داخواز ژ سوپایێ ئازادێ سووریا کر شەرێ دژی یەپەگێ راگرن
waar – دهوك
حکومەتا رۆسیا ل دۆر شەرێ دژی یەکینەیێن پاراستنا گەل یەپەگێ، پەیامەک ئاراستەی سوپایێ ئازادێ سووریا کر.
وەزارەتا بەرگرییا رۆسیا د بەیانەکێ دا راگەھاند؛ سەرەرای ئاگربەستێ، فرۆکەیێن شەرکەر دێ ل سەر بۆمبەبارانکرنا بنگەھێن داعشێ و فەتحولشام بەردەوام بن.
وەزارەتا بەرگرییا رۆسیا، پەیامەک بۆ سوپایێ ئازادێ سووریا ھنارت، ژێ خواستییه ژی، شەری دژی یەپەگێ راگرن.
دوھی رۆژا ئێکێ یا جەژنێ، ئاگربەستا ل سووریێ کەفتە وارێ بجھئینانێ، رژێم و ئۆپۆزسیۆنا سووریێ ژی، ل سەر ئاگربەستێ رازی بووینە.
ھەمان دەم سەرکردایەتییا گشتییا یەپەگێ ژی، پشتەڤانییا خوە بۆ ئاگربەستێ دیار کر، پێگیرییا خوە ژی ب وێ رێککەفتنێ راگەھاند.
تُتاح هذه الصورة أيضا في: کوردی