مه‌جه‌رستان: پشتەڤانییا پێشمەرگەی دێ بەردەوام بیت
waar – دهوك :
بالیۆزێ مه‌جه‌رستانێ پشتەڤانیا وەلاتێ خوە بۆ ھێزێن پێشمەرگەی ل شەرێ دژی تیرۆرێ دوپاتکر.
ئەڤ چەندە ئاتیلا تار بالیۆزێ نوو یێ مه‌جه‌رستانێ ل ئیراقێ ب نێچیرڤان بارزانی سەرۆکوەزیرێن ھەرێما کوردستانێ راگەھاند و گۆت: وەلاتێ وی دێ ل سەر پشتەڤانیا ھێزێن پێشمەرگەی ل شەڕێ دژی تیرۆرێ و دابینکرنا پێدڤیێن سەربازی و پێشڤەبرنا پەیوەندیان دگەل ھەرێما کوردستانێ دێ بەردەوام بیت.
ژ ئالیێ خوە ڤە نێچیرڤان بارزانی سەرۆکوەزیرێن ھەرێما کوردستانێ گۆت: ھەرێما کوردستانێ دخوازیت پەیوەندیەکا تۆکمەن د گەل مه‌جه‌رستانێ دا ھەبیت و ھەروەسا پشتەڤانیا حکومەتا ھەرێمێ و ئاسانکاری بۆ وەبەرھێنەرێن ھەنگاری نیشاندا.
ژ ئالیەکێ دی ڤە سەرۆکوەزیرێن ھەرێمێ ھنارتنا تیمەکێ شیرەتکارێن سەربازی یێن مه‌جه‌رستانێ بۆ ھەرێما کوردستانێ کو مەشق و راھێنانان ب ھێزێن پێشمەرگەی دکەن بلند نرخاند.
تُتاح هذه الصورة أيضا في: کوردی