فازل میرانێ ههلویستێ پارتی ل دۆر خۆنیشاندانان راگههاند
ئهڤرۆ نیوز:
سكرتێرێ مهكتهبا سیاسی یا پارتی دیموكراتی كوردستان ههلویستێ فهرمیێ حزبا خوه ل دۆر خۆنیشاندانێن وهلاتێن كوردستانێ ئاشكهرا كر.
ئهڤرۆ رۆژا ئێكشهمبی رێكهفتی 25ی ئیلۆنا 2016ێ فازل میرانی، سكرتێرێ مهكتهبا سیاسی یا پارتی دیموكراتی كوردستان د كۆنگرهكێ رۆژنامهڤانی دا راگههاند كو جڤاتا وهزیران داخوازا كۆمبوونێ ژ لایهنێن پشكدارێن حوكمهتێ كریه ههتا ب روونن و چارهكێ بۆ قهیرانێ ڤهبینن، “بهلێ زانین بۆچی لایهنێن سیاسی ئهو پشكداری رهتكر”.
سكرتێرێ مهكتهبا سیاسی یا پارتی دیموكراتی كوردستان ئاشكهرا ژی كر كو پارتی ل گهل خۆنیشاندانێن ئاشتیانهیێن خهلكێ كوردستانێ یه، “پارتی یا ل گهل خواستا جهماوهری”.
فازل میرانی ئاماژه دا وێ چهندێ ژی كو پێدڤی ناكهت حزبێن سیاسی خۆنیشاندانێن وهلاتیێن كوردستانێ و فهرمانبهران ل دژی ئێكدو ب كار بینن و بۆ خوه بكهنه دهستكهفت.
ههر چهنده بزاڤا گۆڕان و كۆمهلا ئیسلامی و ئێكگرتوو ئیسلامی كوردستان د پشكدارن د حوكمهتێ دا بهلێ رهتكریه كو گهنگهشێ ل سهر چارهكرنا كێشان بكهن و ئێكهتیێ ژی هێشتا ههلویستێ خوه دیار نهكریه.
FacebookTwitterGoogle+
تُتاح هذه الصورة أيضا في: کوردی