سەرۆکێ هەرێما کوردستانێ:ل سەر چارەسەرکرنا سەرجەم کێشان رێککەفتین
باسنيۆز:
سەرۆکی هەرێمی کوردستان ڕای گەیاند، داهاتووی خەڵکی پارێزگای نەینەوا و شاری مووسڵ پارێزراو دەبێت.
ئەمڕۆ پێنجشەممە 29\9\2016، مەسعود بارزانی، سەرۆکی هەرێمی کوردستان، لە میانی کۆنگرەیەکی ڕۆژنامەوانیی هاوبەشدا کە لە شاری بەغدا، لەگەڵ حەیدەر عەبادی، سەرۆک وەزیرانی عێراق ئەنجامی دا، بۆ پێشوازییەکە، سوپاسی عەبادی کرد، هاوکات ڕای گەیاند: ”سوپاسی حەیدەر عەبادی دەکەم بۆ پێشوازییەکە. سەردانەکە بۆ ئەوەیە پشتگیریی تەواو لە سەرۆک وەزیرانی عێراق بکەین. ئامانجی هاوبەشمان هەیە کە یەکێکیان تێکشکاندنی داعشە. پلانێکی باشمان بۆ ئازادکردنەوەی مووسڵ داناوە. داهاتووی خەڵکی مووسڵ پارێزراو دەبێت“.
ئەوەشی ڕوون کردەوە کە پێویستە تەواوی پرسەکان لەگەڵ بەغدا گفتوگۆیان لەبارەوە بکرێت. هەرێمی کوردستان وا سەیر دەکات کە بەغدا قووڵایی ستراتیژی هەیە و پێویستە گفتوگۆی لەگەڵ بەغدا هەبێت.
تُتاح هذه الصورة أيضا في: کوردی