نێچیرڤان بارزانی: نهشێین دڤێ رهوشا دژوار دا هاریكاریا پێدڤی بگههیننیه ئاواران
ئهڤرۆ نیوز:
سپێدههیا ئهڤرۆ رۆژا سێشهمبی 18ی چریا ئێكێ 2016 نێچیرڤان بارزانی سهرۆك وهزیرێن ههرێما كوردستانێ پێشوازی ل فلیپۆ گراندی، كۆمسیارێ بلندێ نوو یێ كاروبارێن پهنابهران سهر ب نهتهوێن ئێكگرتی UNHCR و شاندێ ههڤال كر.
د وێ دیدارێ دا، گراندی خۆشحالیا خوه دهربڕی و دهستخۆشی ل خهلك و حوكمهتا ههرێما كوردستانێ كر كو سهرهرای وێ قهیرانا دارایی یا ل سهر ملێن وان، پێشوازی ل ژمارهكا زۆرا ئاواره و پهنابهرێن ژ بهر تیرۆرێ درهڤن كریه و ب ههڤكاری ل گهل رێكخراوێن سهر ب نهتهوهیێن ئێكگرتی هاریكاریا وان بكهن، “ئهڤ كارێ حوكمهتا ههرێمێ جهێ رێز و پێزانینێن كۆمهلگهها نیڤدهولهتی یه”.
د پشكهكا دی ئاخفتنا خوه دا ئاماژه ب دهسپێكرنا ئۆپهراسیۆنا ئازادكرنا مووسل ژ دهستێ تیرۆرستێن داعش كر كو دهێته چاڤهرێكرن ژ ئهگهرێ وێ چهندێ ژمارهكا زێدهتر یا خهلكی ئاواره ببن و روو بكهنه ههرێما كوردستانێ، “سۆپاسیا پێشمهرگهی دكهم كو جهێن پێشوازیێ بۆ وان دابینكرینه”، تهكست كر كو ئهو ژی وهكو كۆمهلگهها نێڤدهولهتی ژی دێ هاریكاریا زێدهترا ههرێما كوردستانێ كهن دا كو بشێن پێدڤیێن ئاواران دابین بكهن.
تُتاح هذه الصورة أيضا في: کوردی