وه‌زاره‌تا دارایی خشته‌یه‌كێ نوو یێ مووچه‌یان به‌لاڤ كر
waar – دهوك :
وه‌زاره‌تا دارایی و ئابۆری یا حكومه‌تا هه‌رێما كوردستانێ خشته‌یه‌كێ نوو یێ مووچه‌یێن مه‌ها ته‌باخێ یێن فه‌رمانبه‌رێن هه‌رێمێ به‌لاڤ كر و ل گۆری خشته‌یی ل رۆژێن ئێكشه‌مب و دوشه‌مبێ دێ هه‌ژماره‌كا وه‌زاره‌ت و ده‌سته‌یان مووچه‌یێ خوه وه‌رگرن.
ل گۆری خشته‌یێ وه‌زاره‌تا دارایی، سوبه رۆژا ئێكشه‌مبی، دێ خانه‌نشینێن سڤیل، وه‌زاره‌تێن ڤه‌گۆهاستن و گه‌هاندن، ره‌وشه‌نبیری و لاوان و وه‌زاره‌تا كاره‌بێ مووچه‌یی وه‌رگرن.
دیسان ل رۆژا دوشه‌مبێ دێ مووچه‌یێ كێمئه‌ندامان دگه‌ل وه‌زاره‌تێن كار و كاروبارێن جڤاکی و ئه‌وقاف و كاروبارێن ئۆلی و خواندنا بلند و لێكۆلینێن زانستی، هه‌روه‌سا چاندن و ژێده‌رێن ئاڤێ و گه‌شتوگۆزارێ هێنه به‌لاڤكرن.
هه‌روه‌سا هه‌ر ل رۆژا دوشه‌مبێ دێ وه‌زاره‌تێن داد، جڤاتا دادوه‌ری و سه‌رۆكاتییا هه‌رێمێ و سه‌رۆكاتییا جڤاتا وه‌زیران مووچه‌یێ خوه‌یێ مه‌ها ته‌باخێ وه‌رگرن و بڤێ یه‌كێ ژی، دێ داوی ب دابه‌شكرنا مووچه‌یێن مه‌ها ته‌باخێ هێت.
تُتاح هذه الصورة أيضا في: کوردی