بارزانی پەیامەک ل سەر بوویەرا عامودێ بەلاڤ کر

بارزانی پەیامەک ل سەر بوویەرا عامودێ بەلاڤ کر

waar – دهوك :
سەرۆکێ ھەرێما کوردستانێ د پەیامەکێ ل دۆر بوویەرا عامودێ سوپاسییا پاراستنا ئالایێ کوردستانێ ژ ئالییێ خەلکێ عامودێ ڤە کر و راگەھاند: ئەو خەلکێ عامودێ پشتراست دکەت کو دێ گیانێ کورداتیێ سەربکەڤیت و یێن ئالایێ کوردستانێ دسۆژن شەرمزار ببن.

مەسعوود بارزانی، سەرۆکێ ھەرێما کوردستانێ، پەیامەک ل سەر بوویەرا سۆتنا ئالایێ کوردستانێ ل باژارێ عامودێ یێ رۆژئاڤایێ کوردستانێ، ئاراستەیی خەلکێ عامودێ و راگەھاند: ئەو سوپاسییا خەلکێ عامودێ یێ خوەراگر دکەت کو بەرگریکارێن رەسەنایەتی و نشتیمانپەروەری و نرخێن بلند یێن گەلێ کوردستانێ نە و دەستخوەشییێ ل وان دکەت کو ب بێھنفرەھی و بەرخوەدانا خوە ئالایێ کوردستانێ دپارێزن، کو ئالایێ خوینا شەھیدان و سیمبۆلا پێکڤەژییان و ئاشتیخوازییێ یە.

بارزانی ھەروەھا دیار کر؛ ئەو وان پشتراست دکەت کو دێ رێبازا نشتیمانپەروەری و رۆحا کوردایەتی و رەسەنایەتیێ سەربکەڤیت و شەرمزاری بۆ وان ئالییان بمینیت یێن ئالایێ کوردستانێ دسۆژن و خۆرت و لاوێن کورد ئەشکەنجە ددەن، کو دێ ل داوییێ ھەر باجا وێ سووچا خوە بدەن.

تُتاح هذه الصورة أيضا في: کوردی