ئیرانێ 7 وهلاتیێن كورد د ههفتییهكێ دا سێداره داینه
WAAR – دهۆک:
كۆمارا ئیسلامییا ئیرانێ حهفت وهلاتیێن كورد ل رۆژێن بۆری، گرتیخانهیێن كرمانشاهـ و ئورمییێ دا ل رۆژههلاتا كوردستانێ سێداره دان.
سهنتهرێ دیمۆكراتی یێ مافێ مرۆڤی ل كوردستانێ كو بارهگههێ وی ل ئهلمانیایه، د بهیانهكێ دا ئاشكرا كرییه، كۆمارا ئیسلامییا ئیرانێ د ههفتییهكێ دا، حهفت وهلاتیێن رۆژههلاتا كوردستانێ، د زیندانێن كرمانشاهـ و ئۆرمییێ دا سێداره داینه، بێی كو تومهتێن وان بهێنه دیاركرن.
د بهیانێ دا ناڤێن وان كوردێن رۆژههلات هاتییه كو حوكمێ سێدارێ ل سهر هاتییه بجهئینان، یهك ژ وان كیۆمرت فرهیدانه كو ل ئیلۆنا سالا بۆری، ئیرانێ بابێ وی ژی سێدارهدایه و دایكا وی ژی ب زیندانا ههتا ههتایێ ل ئورمییێ حوكم كرییه.
رێكخستنا مافێن مرۆڤی ل ئیرانێ پێشتر راگههاندبوو، دهستههلاتدارێن ئیرانێ د ههر نههـ ساتان دا كهسهكی ل سێدارێ ددهن، رهخنه ژی ل بێدهنگییا جڤاكا نێڤدهولهتی گرتبوو.
كۆمارا ئیسلامییا ئیرانێ ل رێزا ئێكێ یا وان وهلاتان دهێت كو پترین حوكمێن سێدارێ لێ ههنه، پرانییا كهسێن ل وی وهلاتی ژی دهێنه سێدارهدان كوردن.
تُتاح هذه الصورة أيضا في: کوردی