نێچیرڤان بارزانی: بلندکرنا ئالا کوردستانێ دێ پێکڤەژیانێ ل کەرکووکێ بھێزتر کەت
WAAR-دهۆك:
سهرۆكوهزیرێن ههرێما كوردستانێ، پهیامهكا پیرۆزباهیێ ئاراستهیی خهلك و ئیدارهیا باژارێ كهركووكێ كر و راگههاند؛ بلندكرنا ئالا كوردستانێ، دێ پاراستنا پێكڤهژیان و ههڤپشككرنا پێكهاتهیان د رێڤهبرنا پارێزگهها كهركووكێ دا، بهێزتر كهت.
نێچیرڤان بارزانی د وێ پهیامێ دا دیاركرییه، چارهنهكرنا كێشهیا كهركووكێ و دهڤهرێن ماددهیا 140 ب درێژاهییا 14 سالان ژ ئالیێ حكومهتا ئیراقێ ڤه، ژبۆ مهرهمێن سیاسی و دروستكرنا نه ئارامیێ بوویه، لێ بهرۆڤاژی، سهركردایهتییا سیاسییا كوردستانێ، ئارامی بۆ كهركووكێ دابینكرییه و ههموو پێكهاتهیێن كهركووكێ پاراسیتینه و ههر ژ دهمێ ئۆپۆزسیۆنبوونێ و تا رۆژێن نڤێسینا دستوورێ ئیراقێ ژی، ب شاهدییا ههموو ئالییان، سهركردایهتییا سیاسی یا كوردی، بهرگری ژ مافێن ههموو پێكهاتهیێن كهركووكێ كر.
بارزانیێ سهرۆكوهزیر ئاماژهكرییه، ههموو دهمان حكومهتا ئیراقێ، خهلكێ كهركووكێ د دهستێ تیرۆرستان دا هێلایه و پێشمهرگه و هێزێن ههرێمێ د ههوارا وی باژاری چوویه و خهلكێ وێ پاراستییه و لدهمێ هاتنا داعشێ ژی، شكهستن و ڤهكێشانا سوپایێ ئیراقێ ژ كهركووكێ، گهلهك بلهزتربوو ژ مووسلێ، لێ پیشمهرگه د ههوارا وی باژاری چوو و ل بن سیبهرا ئالا كوردستانێ، ئارامیا وی باژاری پاراستن.
ههروهسا گۆت ژی؛ د ناڤا ڤێ ههڤڕكی یا ل ئیراق و وهلاتێن دهردوور، لێ حكومهتا ههرێمێ و پارێزگهها كهركووكێ نموونهیا پێكڤهژیانێ ل كهركووكێ دهستنیشانكرییه و رێك نهدایه ببیته جهێ شهڕ و ههڤركیێن تائیفی.
تُتاح هذه الصورة أيضا في: کوردی