جهعفهر ئیبراهیم: پارتی، ئێكهتی و یهكگرتوو دێ پهڕلهمانی كاراكهن
WAAR-دهۆك:
جێگرێ سهرۆكێ پهڕلهمانێ كوردستانێ راگههاند؛ پارتی و ئێكهتی و یهكگرتوو د چارچووڤێ رێككهڤتنهكا نوو دا دێ پهڕلهمانێ كوردستانێ كاراكهن، گۆت ژی: ئیران و ئیراق و توركیا، ل سهر ریفراندۆما ههرێمێ هاتینه هایداركرن.
جهعفهر ئیبراهیم جێگرێ سهرۆكێ پهڕلهمانێ كوردستانێ گۆت: قۆناغا نها دخوازیت، رێككهڤتنهكا نوو بۆ سهرۆكایهتییا پهرلهمانی بهێته كرن، ژبهركو پارتی ل سهر بریارا خوه رژده و ب چو رهنگان یووسڤ محهمهد ڤهناگهریته سهرۆكایهتییا پهڕلهمانی و نها پارتی و ئێكهتی و یهكگرتوو بزاڤێ دكهن د چارچووڤێ رێككهڤتنهكا نوودا، پهڕلهمانێ كوردستانێ بهریا ژڤانێ ریفراندۆما ههرێمێ، كارابكهن.
دا زانین ژی: سهركردایهتییا ههرێمێ، ههرسێ وهلاتێن توركیا، ئیران و ئیراق ژ ریفراندۆما ههرێمێ هایداركرینه و ب باوهرا وی ههرسێ وهلات ب كریار دژی سهرخوهبوونا ههرێما كوردستانێ نینن، بهلكو دژایهتییا وان بتنێ د چارچووڤێ داخویانییان دایه و ب فهرمی چو نهرازیبوونهك ل سهر جودابوونا كوردان نینه.
جێگرێ سهرۆكێ پهڕلهمانێ كوردستانێ بۆ ئاژانسا ئهنادول دیارژی كر، نها ئامادهكاری دهێنه كرن، بهریا مهها ئیلونێ ریفراندۆم بهێته كرن و پشتی ریفراندۆمێ ژی، سهركردایهتییا ههرێمێ دێ پرسا سنۆران و دهڤهرێن كوردستانی دگهل بهغدا ئێكلا كهت.
تُتاح هذه الصورة أيضا في: کوردی