دژەتیرۆر: سەرکردەیەکێ مەزنێ داعشێ ل مووسلێ ھاتییە کوشتن
WAAR-دهۆك:
دەزگەھێ دژەتیرۆرا کوردستانێ، کوشتنا سەرکردەیەکێ مەزنێ رێکخستنا تیرۆرستییا داعشێ د ھێرشێن فرۆکەیێن ھەڤپەیمانان دا راگەھاند.
دەزگەھێ دژەتیرۆرێ یێ سەر ب جڤاتا ئاساییشا ھەرێما کوردستانێ راگەھاند؛ تیرۆرست عومەر مەھدی ئەحمەد زێدان، یێ بەرنیاس ب ئەبو مونزر ئەلئوردنی، کو سەرکردەیەکێ رێکخستنا تیرۆرستییا داعشێ یە، ژ ئەنجامێ ھێرشەکا فرۆکەیێن ھەڤپەیمانان د دو رۆژێن بۆری دا ل باژارێ مووسلێ ھاتییە کوشتن.
ل دەمین بۆری ھژمارەکا مەزن یا سەرکردێن رێکخستنا تیرۆرستیا داعشێ ل جھێن جودا ل ئیراقێ و سووریێ و ب تایبەت ل باژارێ مووسلێ ھاتینە کوشتن، ھێزێن ئیراقێ ژی د پێشڤەچوونێن بەردەوام دانە ل باژارێ مووسلێ، ل گۆری گۆتنا بەرپرسین ئیراقێ ژی، رزگارکرنا ب ئێکجارییا وی باژاری نێزیک بوویە.
تُتاح هذه الصورة أيضا في: کوردی