رۆسنهفت و حكومهتا ههرێمێ ژمارهیهكا رێككهڤتنان ئیمزا كرن
WAAR-دهۆک:
كۆمپانییا رۆسنهفت یا رۆسی و حكومهتا ههرێما كوردستانێ، ژمارهیهكا رێككهڤتنێن نوو یێن دریژخایهن، ئیمزاكرن و وێ كۆمپانییێ راگههاند؛ تا داوییا ئهڤ ساله، دێ ئاستێ بهرههمئینانا پهترۆلا ههرێمێ، گههیننه ملیۆن بهرمیلان د رۆژهكێ دا.
د راگههاندنهكێ دا، كۆمپانیا رۆسنهفت یا رۆسی دیاركر، د چارچووڤێ كۆربهندا ئابووری یا جیهانی دا ل باژارێ سان پترسبۆرگ، ئهڤرۆ وان ژمارهیهكا رێككهڤتنان دگهل حكومهتا ههرێما كوردستانێ، د بوارێ وهبهرهێنان و گهریان و بازرگانی و لۆجستی دا بۆ بهرفرههكرنا ههماههنگییا دناڤبهرا ههردو ئالییان دا، ئیمزاكرینه.
دا زانین ژی، رێككهڤتن خوه د وهبهرهێنان و پێشڤهبرنا ههماههنگییا ههردو ئالییان و هنارتنا پهترۆلا ههرێمێ ب رێیا بۆریا پهترۆلا ههرێما كوردستانێ و دامهزراندنا پرۆژهیهكێ ههڤپشك بۆ بجهئینانا گرێبهستێن ئیمزاكری بۆ دهمهكێ درێژ، دبینیت و چهندین رێككهڤتنێن دی ژی، هاتینه ئیمزاكرن كو پهیوهندی ب ژێرخانهیا ئابوورێ ههرێما كوردستانێ ڤه ههنه.
ل گۆری راگههاندنا كۆمپانیێ، ل دووڤ رێككهڤتنا بهریا دو مههان دگهل حكومهتا ههرێمێ كری، نها رۆژانه 700 هزار بهرمیلێن پهترۆلا ههرێمێ د گههنه دهستێ وان و د پلانا وان دایه، تا داوییا ئهڤ ساله، ئاستێ وهرگرتنا پهترۆلا ههرێمێ، بۆ ملیۆن بهرمیلان د رۆژهكێ دا بلند بكهن.
تُتاح هذه الصورة أيضا في: کوردی