WAAR-دهۆك:

رۆسیا گومان ھەیە کو خەلیفەیێ داعشێ د ھێرشەکا وێ دا ھاتبیتە کوشتن و ئەمریکا رەت دکەت.
وەزارەتا بەرگرییا رۆسیا د بەیانەکێ دا راگەھاند؛ گومان ھەیە کو ئەبوبەکر بەغدادی د ھێرشەکا ئەسمانی یا ھێزێن رۆسی دا ل رەقەیا پایتەختێ داعشێ ھاتبیتە کوشتن، تیمەکا تایبەت نھا دووڤچوونا بابەتی دکەت و ل دەمەکێ نێزیک ئەنجامێن دووڤچوونێن وان دێ ھێنە راگەھاندن.
وەزارەتا بەرگرییا ئەمریکا نووچەیێ کوشتنا بەغدادی رەت کر و راگەھاند؛ ل گۆری زانیاریێن واشنتون، بەغدادی نەھاتییە کوشتن و نھا ل رەقە نینە.