حكومه‌تا هه‌رێمێ: چ بریار بۆ راكرنا ڤیزا هه‌ولێر و ته‌هرانێ نه‌هاتینه دان
WAAR-دهۆك:
نوونه‌رێ حكومه‌تا هه‌رێما كوردستانێ ل ئیرانێ راگه‌هاند؛ تا نها چ بریار بۆ راكرنا ڤیزێ دناڤبه‌را هه‌ولێر و ته‌هرانێ دا نه‌هاتینه ده‌رخستن.
د داخویانیه‌كێ دا، عه‌بدوللا ئاكره‌یی نوونه‌رێ حكومه‌تا هه‌رێمێ ل ئیرانێ گۆت: ده‌مێ سێ سالانه، به‌رپرسێن هه‌رێم و ئیرانێ، گۆتوبێژێ ل دۆر نه‌هێلانا ڤیزێ دناڤبه‌را هه‌ردو وه‌لاتان دا دكه‌ن، لێ تا نها چ بریارێن فه‌رمی بۆ راكرنا ڤیزێ نه‌هاتینه دان.
گۆت ژی: حكومه‌تا هه‌رێمێ پێشوازیێ ل هه‌ر بریاره‌كا بڤی ره‌نگی دكه‌ت، لێ ئه‌و باوه‌رناكه‌ن كو حكومه‌تا ئیراقێ، بریاره‌كا وه‌سا قه‌بوول بكه‌ت.
ئه‌ڤه د ده‌مه‌كی دایه، چه‌ندین سازیێن راگه‌هاندنێ به‌لاڤكرییه كو كۆمارا ئیسلامی، بریارا راكرنا ڤیزێ دناڤبه‌را هه‌ولێر و ته‌هرانێ دا ده‌رخستیه.
تُتاح هذه الصورة أيضا في: کوردی