حکومەتا هەرێمێ پرسا رێفڕاندۆمێ گەهاندە پەڕلەمانێ ئەورۆپا
WAAR-دهۆك:
حکومەتا هەرێمێ پرسا رێفڕاندۆما سەرخوەبوونا کوردستانێ گەهاندە پەڕلەمانێ ئەورۆپا و وەزیرێ پەروەردەیا هەرێمێ و سەرۆکێ پەڕلەمانێ ئەورۆپا کۆم بوون.
پشتیوان سادق، وەزیرێ پەروەردەیا هەرێمێ ژبۆ مەرەما پشکداریێ د کۆنفرانسێ رێیێن ئاشتیێ و دیالۆگا د ناڤبەرا ئۆل و کەلتووران دا، ل ئەلمانیا یە و د چارچۆڤەیێ سەرەدانا خوە دا دگەل ئەنتۆنیۆ تاجانی، سەرۆکێ پەڕلەمانێ ئەورۆپا کۆم بوو، پرسا رێفڕاندۆما سەرخوەبوونا کوردستانێ دگەل وی گۆتوبێژ کر و داخوازا پشتەڤانییا وەلاتێن ئەورۆپی بۆ وێ پرسا دیمۆکراسی کرییە.
کۆنفڕانسێ دیالۆگا د ناڤبەرا ئۆل و کەلتووران دا ب پشکدارییا ژمارەکا زۆر یا سەرۆک و سەرکردەیێن وەلاتان دوهی دەستپێ کرییە، بۆ دەمێ دو رۆژێن دی دێ بەردەوام بیت و ئەڤرۆ پشتیوان سادق دێ پشکداری دو پانێلێن جودا بیت و دو گۆتاران ل سەر بەڕەڤانیکرنێ ژ زارۆیان و هەروەسا پێکڤەژیانێ پێشکێش کەت.
تُتاح هذه الصورة أيضا في: کوردی