نەتەوەیێن ئێکگرتی چاڤەرێ بەرسڤا بارزانی یە
WAAR-دهۆك:
نوونەرێ نەتەوەیێن ئێکگرتی ل ئیراقێ داخواز ژ سەرۆکێ ھەرێمێ کر رێفراندۆما سەرخوەبوونێ پاش بێخیت و گۆتوبیژان بۆ رێککەفتنەکا سێ سالی دگەل بەغدا دا بکەت، تا نھا ژی چاڤەرێ بەرسڤا بارزانی نە.
ل گۆری نووچەیەکێ فرانس پرێس، یان کۆپیچ پشتەڤانییا ناڤدەولەتی بۆ گۆتوبێژێن بلەز دناڤبەرا ھەولێرێ و بەغدا دا نیشا دایە.
د وێ یاداشتێ دا یا رۆژا پێنجەشەمبی گەھاندیە مەسعوود بارزانی، سەرۆکێ ھەرێمێ، نەتەویێن ئێکگرتی پێشنیازا گۆتوبێژێن رێکخستی و بەردەوام و بەرھەمدار کرییە، بۆ چارەکرنا ھەموو کێشەیێن ناڤبەرا ھەولێرێ و بەغدا.
د یاداشتێ دا یان کۆپیچ داخوازا گۆتوبێژان ب چاڤدێریا جڤاتا ئاساییشا ناڤدەولەتی کریە بۆ رێککەفتنەکا دو یان سێ سالی د ناڤبەرا ھەردو ئالییان دا، داخواز ژی ژ بارزانی کریە رێفراندۆمێ پاش بێخیت تا دانوستان ب داوی دھێن.
کۆپیچ ئاشکرا ژی کریە؛ گەر بارزانی ب پێشنیازا وان رازی بوو، گۆتوبێژ دێ دەست پێ کەن و گۆت؛ ئەو چاڤەرێ بەرسڤا بارزانی نە.
تُتاح هذه الصورة أيضا في: کوردی