هەولێر.. کەرنەڤالا مەزن یا رێفراندومێ دێ ل 22 ئیلۆنێ بهێت سازکرن
WAAR-دهۆك:
ل رۆژا ئینی دێ ل هەولێرا پایتەخت کەرنەڤالا مەزن یا رێفراندوما کوردستانێ ب ئامادەبوونا سەرۆک بارزانی هێتە کرن.
پەیامنێرا وار ل هەولێرێ راگەهاند: ل رۆژا ئینی، بیست و دو ڤێ مەهێ، کەرنەڤالا مەزن یا رێفراندوما سەرخوەبوونا کوردستانێ ب ئامادەبوونا مەسعوود بارزانی، سەرۆکێ هەرێما کوردستانێ و پشکداربوونا نوونەرێن هەموو پێکهاتەیێن نەتەوەیی و ئۆلی و تەخ و چینێن هەولێرا پایتەخت ل یاریگەها فرەنسۆ حەریری هێتە کرن.
هەروەسا دا زناین: بریارە سەرۆک بارزانی ل وێ کەرنەڤالێ گۆتارەکا تایبەت ل دۆر رێفراندومێ و رەوشا نها یا کوردستانێ ب گشتی پێشکێش بکەت.
د ڤێ مەها ئیلۆنێ دا نە تنێ ل سەرانسەر هوموو پارێزگەهێن هەرێمێ کەرنەڤالێن بانگەشەیا رێفراندوما سەرخوبوونێ دهێنە کرن و لێ هەروەسا ل دەڤەرێن دەرڤەیی دەستهەلاتا هەرێمێ و ب تایبەتی ل وەلاتێن ئەورۆپا و ئەمریکا و سەرناسەر جیهانێ کوردستانییان پشکداری ئاهەنگێن پشتەڤانییا سەرخوەبوونا کوردستانێ بووینە.
تُتاح هذه الصورة أيضا في: کوردی