بایدەمیر: کوردستان یا داگیر کرییە
WAAR-دهۆك:
پەرلەمانتارێ پارتییا دیمۆکراتیک یا گەلان ھەدەپێ یێ بازنەیا روھایێ ل دۆر باژارێ ئورشەلیمێ بەرسڤا سەرۆککۆمارێ تورکیا و پارتییا ئاکەپێ دا و گۆت؛ ھەکە قودس یا داگیرکری بیت ئەرێ کوردستان ژی نەیا داگیر کرییە؟
ئۆسمان بایدەمیر، پەرلەمانتارێ ھەدەپێ راگەھاند؛ ئاکەپێ ب بریارا ئەردۆغانی دەست ب سەر نۆت و شەش شارەدارییان دا گرتیە و شارەدارێن کورد دەستەسەرکرینە و کەسێن گرێدای خوە ل جھێ وان داناینە.
حەفتییا بۆری جێگرا سەرۆکێ پەرلەمانێ تورکیا ب سڤکاتی ڤە ژ بایدەمیر پرسی، ئەرێ کوردستانێ ل کیڤەیە، وی ژی دەستێ خوە ل سەر دلێ خوە دانا و گۆت؛ کوردستان یا ل ڤێرێ و یا دلێ وی دا، وێنە و ڤیدیۆیێن وی ژی دەنگڤەدان و ببوونە جھێ دلخۆشیا ھەموو کوردستانییێن جیھانێ.
پشتی بریارا سەرۆکێ ئەمریکا بۆ ناساندنا قودسێ وەکو پایتەختێ ئسرائیلێ، رەجەب تەیب ئەردۆغان، سەرۆککۆمارێ تورکیا پتر ژ جارەکێ دژاتییا خوە بۆ وێ بریارێ دیار کرییە و خوە وەکو پارێزەرێ قودسێ نیشادایە.
تُتاح هذه الصورة أيضا في: کوردی