جڤاتا ئاساییشێ وێنه‌یێن لڤینێن سه‌ربازی یێن ئیراقێ ل نێزیك مه‌خموورێ به‌لاڤ كرن
WAAR-دهۆك:
جڤاتا ئاساییشا هه‌رێما كوردستانێ دو وێنه ل سه‌ر لڤینێن سه‌ربازی یێن هێزێن ئیراقێ ل نێزیك مه‌خموورێ به‌لاڤكرن و به‌ریا نها ژی د راگه‌هاندنه‌كێ جڤاتا ئاساییشێ ئاماژه ب به‌رهه‌ڤییێن وان هێزان بۆ هێرشكرنێ كربوو.
وه‌ك د وێنه‌یان دا دیار دبیت كو هێزێن ئیراقی چه‌ند ترومبێلێن سه‌ربازی و هامڤی ئیناینه ده‌ردوورێن مه‌خموورێ و ل ناڤ ئێك ژ ئاڤاهیێن وی باژارۆكی جێهگیر كرینه.
جڤاتا ئاساییشا هه‌رێمێ ئه‌و وێنه‌یه ل سه‌ر تۆرا تویته‌ری به‌لاڤكرینه و ئاماژه كریه كو لڤاندنا وان هێزان د ڤی ده‌می دا به‌رهه‌ڤینه بۆ هێرشكرنێ ل سه‌ر سه‌نگه‌رێن هێزێن پێشمه‌رگه‌ییێ كوردستانێ.
ئه‌ڤه د ده‌مه‌كی دایه به‌ریا دو رۆژان جڤاتا ئاساییشا هه‌رێمێ راگه‌هاندنه‌ك لدۆر لڤاندنا هێزێن ئیراقێ و به‌رهه‌ڤیێن وان ل نێزیك مه‌خموورێ ب مه‌به‌ستا هێرشكرنا سه‌ر سه‌نگه‌رێن پێشمه‌رگه‌ی به‌لاڤكربوو.
تُتاح هذه الصورة أيضا في: کوردی