عزەت شابەندەر: کێشەیا مووچەیێن ھەرێمێ د ستوویێ بەغدایێ دایە
WAAR-دهۆك:
سیاسەتمدارەکێ ناڤدارێ ئیراقێ راگەھاند؛ چو بەھانە بۆ حکومەتا بەغدا نەماینە رێ ل دانوستاندنان د گەل ھەرێما کوردستانێ بگریت و گۆت؛ نزا حکومەتا بەغدا ل بەندا چیە دا دەست ب دانوستاندنان دگەل ھەولێرێ بکەت.
عزەت شابەندەر ل دۆر مەرجێن عەبادی بۆ دەستپێکرنا دانوستاندنا دگەل ھەرێمێ دانای راگەھاند؛ پێدڤییە حکومەتا بەغدا سەرەدەریێ د گەل حکومەتا ھەرێمێ بکەت، مەرجێ وی ژی بۆ رێکخستنا ناڤمالا کوردی دەستوەردانە د کاروبارێن ھەرێمێ دا و مەرجەکێ تەعجیزیە.
ل دۆر کێشەیا مووچەیێن کوردستانێ ژی شابەندەر گۆت؛ کێشەیا مووچەیێن ھەرێمێ ب تنێ کێشەیا کوردان نینە، بەلکو کێشەیەکا ئیراقی یە.
گۆت ژی؛ ئەوا نھا رووددەت بەرپرساتییا وێ د ستوویێ بەرپرسێن کوردان دا نینە، وێ رامانێ ژی نادەت کو حکومەتا ناڤەندی ژێ بەرپرسیار نینە ژ وێ یا ل ھەرێمێ رووددەت.
تُتاح هذه الصورة أيضا في: کوردی