عەفرین: ژ بەر بۆمبەبارانان ٣ زارۆیێن ئێک مالبات گیانێن خوە ژ دەست دان
WAAR-دهۆك:
ھێرشێن تورکیا بۆ رۆژا چل و ھەشتێ ل عەفرینێ د بەردەوامن ئەڤرۆ ژی ژ بەر بۆمبەبارانان سێ زارۆیێن ئێک مالبات گیانێن خوە ژ دەست دان.
ل گۆر ئاگاھیێن نێزیک ژ یەپەگێ، ئەڤرۆ فرۆکەیێن تورکیا ل گۆندێ ترندێ یێ گرێدای عەفرینێ خانییەکێ سڤیلان کرە ئارمانج، ژ بەر وان بۆمبەبارانان سێ زارۆیان کۆ ژیێ وان د ناڤبەرا دەھـ بو پازدە سالان بو گیانێن خوە ژ دەست دان، ھەروەسا دەیکا وان زارۆیان و برایەکێ وان یێ سێ سالی ژی بریندار بوون.
دیار ژی کریە، کو ھەر ئەڤرۆ سپێدێ تا نھا ژی فرۆکەیێن تورکیا ب دژواری ناڤچەدارییا جندرێسێ بۆمبەباران دکەت، و شەرۆ پەڤچوون ژی دناڤبەرا یەکینەیێن پاراستنا گەل یەپەگێ و سەربازێن تورک و چەکدارێن سەر ب وێ ڤە ل وێ ناڤچەیێ د بەردەوامن.
تُتاح هذه الصورة أيضا في: کوردی