حكومهتا ئیراقێ: مووچهیێ تهمامێ ههرێمێ نا هنێرین
WAAR-دهۆك:
پهیڤدارێ حكومهتا ئیراقێ راگههاند؛ حكومهتا ئیراقێ مووچهیێ تهمام بۆ فهرمانبهرێن ههرێمێ نا هنێریت، بهلكو دێ كوژمهكێ پارهیی هنێریت و كوژمێ مای ژی دێ ههرێم ژ هنارتنا پهترۆلێ و داهاتێ ناڤخوه پهیداكهت.
سهعد حهدیسی پهیڤدارێ حكومهتا ئیراقێ بۆ مالپهرێ بهغداد ئهلیهوم گۆت: حكومهتا ئیراقێ كوژمێ 318 ملیار دیناران بۆ مووچهیێ فهرمانبهران هنارتییه ههرێما كوردستانێ، ئهڤه ژی رێككهفتنا ههولێر و بهغدایه و پارهیێ مایی ههرێم دێ ژ هنارتنا پهترۆلا خوهیا رۆژانه و داهاتێ ناڤخوه پهیداكهت كو رۆژانه نێزیكی 300 هزار بهرمیلان دفرۆشیت.
دا زانین ژی: حكومهتا ههرێما كوردستانێ دێ پارهیێ خوه و یێ بهغدا بۆ دهنێریت ب ههڤرا ل سهر فهرمانبهران دابهشكهت ب رهنگهكی كو مووچه وهكو یێن ههموو فهرمانبهرێن ئیراقێ لێ بهێت و پاشكهوت نهمینیت.
تُتاح هذه الصورة أيضا في: کوردی