زێده‌تر ژ 100 چاڤدێريێن نێڤ دەولەتی دێ ئامادەى هەلبژارتنێن عێراقێ بن
باسنيوز:
كۆمسیارێك لە كۆمسیۆنی باڵای سەربەخۆی هەڵبژاردنەكانی عێراق ئاشكرای كرد بۆ چاودێریكردنی هەڵبژاردنی مانگی داهاتووی پەرلەمانی عێراق، زیاتر لە 100 چاودێری نێودەوڵەتی ئامادە دەبن.
ئەمڕۆ چوارشەممە حازم ردینی ئەندامی كۆمسیۆنەكە رایگەیاند “لە بەڕێوەبردنی هەڵبژاردنەكاندا پشت بە چاودێری نێودەوڵەتی دەبەستین، لە ناوخۆدا چەندین چاودێر لە باڵوێزخانەكانی وڵاتانی بیانیدا، لەگەڵ ڕێكخراوە مرۆییەكان چاودێری بەڕێوەچوونی پرۆسەی هەڵبژاردنەكان دەكەن”.
ردینی بۆ ئاژانسی هەواڵی (سپۆتنیك) گوتی بەردەوامن لە ڕاكێشانی چاودێرانی نێودەوڵەتی تا بەشداری لە پرۆسەی هەڵبژاردنەكاندا بكەن، تا ئێستەش زیاتر لە 100 چاودێری نێودەوڵەتی تۆمار كراون.
گوتیشی لە دەرەوەی عێراقیشدا چاودێرانی نێودەوڵەتی دەتوانن بەشداری لە پرۆسەی هەڵبژاردنەكانی عێراقدا بكەن.
رۆژی 12ی ئایاری داهاتوو هەڵبژاردنەكانی پەرلەمانی عێراق بەڕێوەدەچێ.
تُتاح هذه الصورة أيضا في: کوردی