کۆمسیۆنێ دەنگێن 103 وێستگەھێن دەنگدانێ رەتکرن
WAAR-دهۆك:
کۆمسیۆنا بلندا سەربخوەیا ھەلبژارتنان ل ئیراقێ راگەھاند؛ ژ بەر ھەبوونا سکالا و تانان ل سەر ئەنجامێن ھەلبژارتنان، دەنگێن سەد و سێ وێستگەھێن دەنگدانێ کو سەختەکاری تێدا ھاتبوو کرن ھاتن ههلوهشاندن.
کۆمسیۆنا بلندا سەربخوەیا ھەلبژارتنان ل ئیراقێ د بەیاننامەیەکێ دا دیارکر: ل گۆرەیی یاسایا کۆمسیۆنێ یا ژمارە یازدە یا سالا دوھزار و حەفتێ، کو ب رێیا یاسایێ ئالیێن زیانڤێکەفتی ژ ئەنجامێن ھەلبژارتنان دکارن تانێن خوە ل ئەنجامێن ھەلبژارتنان بدەن، لدووڤ رێکارێن یاسایی و ھونەری ژی جڤاتا کۆمسیارێن کۆمسیۆنێ دەستھەلاتا ئێکلاکەر لسەر وان سکالایان ھەیە.
کۆمسیۆنێ خوەیا کر: جڤاتا کۆمسیاران پێداچوون بۆ ھزار و چوارسەد و سیھـ و شەش سکالایان ل سەر دەنگدانا گشتی، تایبەت و دەرڤەی کریە و د ناڤا وان دا سیھـ و سێ سکالایێن سوور ھاتبوون تۆمارکرن، پشتی ھووربینی ل سەر ھاتی کرن دەنگێن سەد و سێ وێستگەھێن دەنگدانێ ھاتن ھەلوەشاندن.
کۆمسیۆنێ دوپاتکر کو ئەو وێستگەھێن ھاتین ھەلوەشاندن یێن پارێزگەھێن ھەولێر، ئەنبار سەلاحەددین، نەینەوا و بەغدایێ نە.
کۆمسیۆنا ھەلبژارتنان د نڤیسارەکا دی دا ژی ئاماژەکر: کو ژمارەیەکا تان و سکالایێن ئالییان ل سەر ئەنجامێن ھەلبژارتنان ل پارێزگەھێن ھەولێر، دھۆک، کەرکووک، نەینەوا، سەلاحەددین، قادسیە، بابل و کەربلا ھاتن رەتکرن، ئەگەر ژی بۆ نەبوونا بەلگەیێن پێدڤی ل سەر بنپێکارییان زڤراندیە.
تُتاح هذه الصورة أيضا في: کوردی