سەرۆک بارزانی: پاشخستنا هەلبژارتنێن هەرێمێ زولمە ل خەلکی
WAAR-دهۆك
سەرۆک بارزانی ئەڤرۆ ل گەل شاندەکا ئێکەتییا ئافرەتێن کوردستانێ کۆم بوو و رۆلێ ژنا کورد د شۆرەش و پەروەردەیا نشتیمان پەروەری دا بلند نرخاند.
سەرۆک مەسعوود بارزانی ئەڤرۆ ل گەل بەرپرس و ئەندامێن ئێکەتییا ئافرەتێن کوردستانێ کۆم بوو و رۆلێ ئێکەتییا ئافرەتان د شەرێ دژی داعشێ دا ب تایبەتی و بەردەوامیا کارێن وێ د بیاڤێن جڤاکی و سیاسی دا ب گرنگ ناڤ کر و رۆلێ ژنا کورد ب گشتی د شۆرەشێن گەلێ کورد و پەروەردەیا نشتیمان پەروەری دا ب گرنگ و بێ هەڤرک پەسن دا.
سەرۆک بارزانی دەربارەی هەلبژارتنێن پەرلەمانێ کوردستانێ ژی دا زانین: پاشخستنا هەلبژارتنان نە تنێ بنپێکرنا یاسایێ و سۆزییا گەلی یە، بەلکو جۆرەکێ زولمێ یە، کو ل خەلکی بهێتە کرن، لەورا ژی گرنگە هەلبژارتن ل دەما خوە یا دەستنیشانکری بهێنە کرن.
تُتاح هذه الصورة أيضا في: کوردی