حكومهتا ههرێمێ: شهڕێ توركیا و پهكهكێ پتری 450 گوندێن ههرێمێ چوولكرینه
WAAR-دهۆك:
حكومهتا ههرێما كوردستانێ راگههاند؛ ب چ رهنگان رێنادهن خهلكێ كوردستانێ ببنه قۆربانیێن ههڤركیێن وهلاتان و پێدڤییه توركیا و پهكهكه كێشهیێن خوه ژ ئاخا ههرێمێ دهربێخن.
دكتور دیندار زێباری رێكخهرێ راسپاردهیێن نێڤدهولهتی یێ حكومهتا ههرێمێ گۆت: ههلوهستێ حكومهتا ههرێمێ ل دۆر بۆمبهبارانێن بهردهوامێن توركیا یێ روون و ئاشكرایه، ههرێم رێنادهت خهلكێ وێ ببیته قۆربانیێن ههڤركیێن وهلاتان، د ههمان دهمدا، رێنادهت ئاخا وێ بۆ دهستدرێژی و هێرشكرنا سهر وهلاتێن جیران بهێته بكارئینان، لهو پێدڤییه توركیا و پهكهكه كێشهیێن خوه ژ ئاخا ههرێمێ دهربێخن.
گۆت ژی: دهمێ 20 سالانه توركیا ب بههانهیا ههبوونا پهكهكێ دهڤهرێن جودا یێن ههرێما كوردستانێ بۆمبهباران دكهت، ب ڤێ ئهگهرێ ژی پتری 450 گوندێن سهر سنۆرێ ههرێم و توركیا هاتینه چوولكرن.
زێباری دا زانین ژی: دهرئهنجامێ شهڕێ 20 سالێن بوری یێ ل سهر ئاخا ههرێمێ، شههید و برینداربوونا ب دههان وهلاتیێن ههرێما كوردستانێ بوویه، لهو ئێدی ئهڤ سیاسهته ناهێت قهبوولكرن.
تُتاح هذه الصورة أيضا في: کوردی