بەرگری و پێشمەرگە دێ ناڤەندەکا ھەماھەنگیێ پێکئینن
WAAR-دهۆك:
وەزارەتا پێشمەرگەی و وەزارەتا بەرگرییا ئیراقێ دێ ناڤەندەکا ھەماھەنگییێ یا ھەڤپشک پێکئینن، بۆ ئیدارا دەڤەرێن کوردستانی.
ب فەرمانەکا جڤاتا وەزیرێن ئیراقێ لژنەیەک ھاتیە پێکئینان و دەستھەلاتا دانوستاندنان د گەل وەزارەتا پیشمەرگەی پێ ھاتیە دان، بۆ وێ یەکێ ناڤەندەکا ھەماھەنگییا ھەڤپشک پێکبینن و ئۆپەراسیۆنێن ھەڤپشک ل دەڤەرێن کوردستانێ بکەن.
ھەر ل گۆرەی فەرمانا جڤاتا وەزیرێن ئیراقێ، ھێزەکا بەرگریێ ژ پێشمەرگە و سوپایێ ئیراقێ دێ ل وان دەڤەران ھێنە بەلاڤ کرن، یێن بریارا بنەجھکرنا ھێزێن ھەڤپشک بۆ ھاتیە دان.
ژ ئالیێ خوەڤە عادل عەبدولمەھدی، سەرۆکوەزریێن ئیراقێ و فەرماندارێ گشتیێ ھێزێن چەکدار راگەھاند؛ ھێزێن پێشمەرگەی پشکەکا گرنگا ھێزێن سەربازی یێن ئیراقێ نە و ھێزەکا گرنگە د پاراستنا رەوشا ئەمنی دا، نھا ژی ھەماھەنگییەکا بێ وێنە د ناڤبەرا سوپایێ ئیراقێ و پێشمەرگەی دا ھەیە.
تُتاح هذه الصورة أيضا في: کوردی