دهربارەی مووچەی دلنيايى ب فەرمانبەرێن ھەرێما كوردستانێ تێته دان
K24 – ھەولێر
سەبارەت بە دەنگۆی دواكەوتن و نەناردنی مووچەی فەرمانبەرانی ھەرێمی كوردستان لە بەغداوە، ئەندامێكی لیژنەی دارایی لە ئەنجوومەنی نوێنەرانی عێراق روونكردنەوە دەدات و لە زاری فوئاد حوسێن، وەزیری دارایی عێراقەوە دڵنیایی دەداتە فەرمانبەران.
هۆشیار عەبدوڵڵا، ئەندامی لیژنەی دارایی ئەنجوومەنی نوێنەرانی عیراق لە راگەیەندراوێكدا دەڵێ: “دەربارەی دواکەوتن یا نەهاتنی پشکی هەرێم لە لایەن حکوومەتی عێراقەوە و ئەو قسە و باسانەی دەکرێن سەبارەت بە دواکەوتنی ناردنی پارە لە بەغدادەوە پەیوەندیمان پێوەکرا لەلایەن بەشیک لە پەرلەمانتارانی هەرێم و هاووڵاتییان و ژمارەیەک لە دەزگاکانی راگەیاندنەوە دوایانکرد کە بەدواداچوون بکەین بۆ ئەو پرسە، لەو بارەیەوە ئەمڕۆ سێشەممە، پەیوەندیمان کرد بە دکتۆر فوئاد حوسێن وەزیری دارایی حکوومەتی عێراق و لەو بارەیەوە دڵنیایی تەواوی داینێ کە هیچ کێشەیەک لە ئارادا نییە و رایگەیاند، هیچ کێشە و گرفتێک سەبارەت بە مووچەی فەرمانبەرانی هەرێم لە ئارادا نییە و لەگەڵ وەزارەتی دارایی هەرێم لەسەر خەتین”.
ئەو پەرلەمانتارە دەشڵێت: “هیوادارام هیچ کەس و لایەک بێ بوونی زانیاری تەواو نەبێتە سەرچاوەی هەواڵێک کە نیگەرانی بۆ هاووڵاتییان و فەرمانبەرانی هەرێم دروست بکات”.
تُتاح هذه الصورة أيضا في: کوردی