بنگههێ لالش:ل جهژنا سهرسالێ گرتیێن خوه ل بیر دئینن و بانگهوازیێ دكن
– سوپاسیا ههموویان دكهین بۆ ڤهگهراندنا بتری سێ ههزار گرتیان
تۆرا لالش یا راگههاندنێ/دهۆك
جهژنا سهرێ سالا ئێزدیان(سهرێ سالێ) لسهر مه را دهرباز دبت و هێش بتریا خهلكێ مه یێ شنگالا وێرانكری ل كهمپێن ئاوارهبوونێ دا ل ههرێما كوردستانێ بۆ سالا پێنجێ ل پێ ئێك دژین،هێش دۆرێن 3ههزار خهلكێ مه ژ ژن و زارۆك و زهلام و پیر و كالان بێ سهر و شوون و گرتی نه.
ئهگهرڤێ ههلكهفتا ئازیز بگێرین لسهر مه ههموویان گرتیان ل بیر بینن یێن چهكدارێن رێكخراوا دهولهتا ئیسلامی دهستدرێژی ل گیانێ وان یێ پاك كری.
و دووپات دكهین دهست ڤالا نامینن ههتا ئێك گرتی مابت و ئاشكهراكرنا چارهنڤیسێ بێ سهر و شوونان ژ زهلام و گهنج و زارۆكان،ههروهسا بێ دهنگ نامینین بۆ دهستهسهركرن و سزادانا ههر ئێكی دهست ل دهست بسهرداگرتنا شنگالێ دا ههبت و تاوانێن كرێت دهرههقی خهلكێ ئهنجام دابن.
ههروهسا ههر ئێكی ل نهخۆشیا مه دا خودان ههلویست بووی ژبیر ناكهین و ب تایبهت بۆ قورتالكرنا سێ ههزار گرتیان،ل پێشیێ سهرۆك مهسعود بارزانی كو لسهر راسپاردهیێن وی نڤیسینگهها سهرۆك وهزیران بهرێزنێچیرڤان بارزانی دووڤچۆنا دۆسهیا ئازادكرنا گرتیێن ئێزدی كری، وكارین رزگار بكن و كار دڤی دهربارهی دا یێ ئیرۆ رۆژ یێ بهردهوامه.
سهرباری ههموو برینێن مه یێن كور،دووپات دكهین كو دێ بهردهوام بین لسهر گێرانا پیرۆزیێن خۆ و جهژنێن خۆ گێرین،ژبهر دوژمنێن مرۆڤایهتیێ ژ داعشان ڤیان دهست ژ پیرۆزیێن خۆ بهردهین و نهكهین.
جهژنا ههموو ئێزدیان ب خێروخۆشی بت
ههموو رۆژێن گهلێ كوردستانێ خێروخۆشی بن
سلاڤ بۆ تهڤا گیانێ جانگۆریێن شنگالێ..و ئازادی بۆ گرتیان
دهستهیا بلندا بنگههێ لالش یێ رهوشهنبیری و كۆمهلایهتی/دهۆك
16/4/2019
تُتاح هذه الصورة أيضا في: کوردی