نێچیرڤان بارزانی ئالیێن کوردستانی بۆ کۆمبوونەکا هەڤپشک گازی کرن
گاڤ نیوز:
سەرۆکێ هەرێما کوردستانێ ب هەلکەفتا نەورۆزێ پەیامەک بەلاڤکر و هەمی ئالیێن کوردستانی بۆ کۆمبوونەکا هەڤپشک ل سەرۆکایەتیا هەرێمێ ل پشتی جەژنا نەورۆزێ گازی کرن.
نێچیرڤان بارزانی سەرۆکێ هەرێما کوردستانێ پیرۆزباهیەکا تایبەت ئاراستەی تێمێن ساخلەمیێ و ئالیێن پەیوەندیدار کر کو دوەمین سالە ل بەرەیێن پێشییێ یێن بەرسینگرتنا ڤایرۆسێ کۆرۆنایێ دانە و گیان و سلامەتیا وەلاتیان د پارێزن.
سەرۆکێ هەرێما کوردستانێ د پەیاما خۆ دا هەروەسا دوپاتکر، بۆ سەرکەفتن، پێشڤەچوون و ژیانەکا باشتر بۆ وەلاتیان و مسۆگەرکرنا مافێن دەستووری یێن گەلێ کوردستانێ پێدڤیە ئێکرێز بین.
نێچیرڤان بارزانی دازانین ژی: پێدڤیە دویماهی ب ململانی و ناکۆکیێن ئالیێن سیاسی یێن کوردستانێ بهێت ژ بەرکو ژبلی ژێکڤەبوون و دووبەرەکیێ چ تشتەکێ زێدەتر بۆ کوردستانێ ب دەستڤە نەهاتیە.
سەرۆکێ هەرێما کوردستانێ داخوازا کۆمبوونەکا ئالیێن سیاسی کر و راگەهاند: دا ئەم هەمی لایەن و پێکهاتە بۆ پاشەرۆژەکا باشتر بۆ کوردستانێ کاربکەین و دیمۆکراسی و ئازادیێ ب پارێزین و پشتی جەژنا نەورۆزێ هەمی لایەنان داخوازدکەمە کۆمبوونەکێ ل سەرۆکایەتیا هەرێما کوردستانێ.
تُتاح هذه الصورة أيضا في: کوردی