مەسرور بارزانى پەیوەندى ب هژمارەکا سەرکردەییێن سیاسیێن ئیراقێ کر
خانى نيوز:
مەسرور بارزانى سەرۆکێ حکومەتا هەرێما کوردستانێ ئەڤرۆ هەینى هژمارەکا پەیوەندیێن تەلەفونى ل گەل هژمارەکا سەرکردەیێن سیاسیێن ئیراقێ ئەنجامدا، ژ وان ژى عەممار حەکیم سەرۆکێ رەوتا حیکمە یا نشتیمانى، هادى عامرى سەرۆکێ ئیتیلافا فەتح، خەمیس خەنجەر ئەمینداریێ گشتییێ المشروع العربی، ئەحمەد جبورى (ئەبو مازن) ئەمیندارێ گشتیێ پارتا الجماهیر.
د ئەوێ پەیوەندیێ دا سەرۆکێ حکومەتا هەرێما کوردستانێ سوپاسی و پشتەڤانییا ئەوان سەرکردەیێن سیاسى کر ژ بۆ دەربازکرنا یاسایا بۆدجەیا فیدرالى و هیڤى خواست دەربازکرنا ئەڤ یاسایە ببیتە پێنگاڤەک ژ بۆ چارەسەرکرنا هەموو ئاریشە و ناکۆکیێن ناڤبەرا حکومەتا فیدرالى و حکومەتا هەرێما کوردستانێ ل سەر بنەمایێ دەستورى.
سەرۆکێ حکومەتێ پێشتر ژى پەیوەندى ب هەر ئێک ژ سەرۆکێ وەزیرێن ئیراقێ موستەفا کازمى و محەمەد حەلبووسی سەرۆکێ جڤاتا نوونەرێن ئیراقێ کربوو و سوپاسییا وان کربوو بۆ پشتەڤانییا بۆ دەربازکرنا یاسایا بۆدجەی و برگەیێن تایبەت ب رێککەڤتنا دناڤبەرا هەولێرێ و بەغدایێ دا.
تُتاح هذه الصورة أيضا في: کوردی