دژەتیرۆرا هەرێما کوردستانێ: مە پەیوەندی ب کوشتنا قاسم سولەیمانی ڤە نینە
گاڤ نیوز
دژەتیرۆرا هەرێما کوردستانێ پەیامەک دەربارەی راپۆرتا چەوانیا کوشتنا قاسم سولەیمانی بەلاڤ کر و راگەهاند: دژەتیرۆرێ ب چ رەنگان پەیوەندی ب وێ ئۆپەراسیۆنێ ڤە نینە.
مالپەڕێ یاهۆ نیوز د راپۆرتەکا دیڤچوونی دا چەندین زانیاری دەربارەی کوشتنا قاسم سولەیمانی، فەرماندارێ فەیلەقێ قودس یێ سوپایێ پاسدارێن ئیرانێ بەلاڤ کرن و دیار کر: گرۆپێ دژەتیرۆرا کوردستانێ CTG پشکداری ئۆپەراسیۆنا کوشتنا سولەیمانی بوویە.
دژەتیرۆرا هەرێما کوردستانێ رۆنکرنەک بەلاڤ کر و دوپات کر: دژەتیرۆرا فەرمی یا هەرێما کوردستانێ ب ناڤێ CTD ژ دویر و نێزیک پەیوەندی ئۆپەراسیۆنا کوشتنا قاسم سولەیمانی ڤە نینە و ئاگەهداری وێ ئۆپەراسیۆنێ نەبوو و دژەتیرۆرا هەرێمێ ژ وان زانیاریێن مالپەڕێ یاهۆ نیوز ژی بەلاڤ کرین، بێ ئاگەهە.
د رۆنکرنا دژەتیرۆرا هەرێمێ دا هاتیە ژی: گرۆپەک ل سلێمانیێ هەیە کو لاهۆر جەنگی و برایێن وی بڕێڤە دبەن، ناڤێ وی گرۆپی CTG یە و ل گۆرەی قانوونا ژمارە 4 یا سالا 2011ێ یا پەڕلەمانێ کوردستانێ، ئەو گرۆپ نەقانوونی یە.
تُتاح هذه الصورة أيضا في: کوردی