وەزارەتا کارەبێ چەوانیا کارکرنا پیڤەرێ زیرەک ئاشکرا کر
گاڤ نیوز
وەزارەتا کارەبێ یا حکومەتا هەرێما کوردستانێ ئاگەهداریەک دەربارەی پیڤەرێن نوی یێن کارەبێ بەلاڤ کر.
وەزارەتا کارەبێ یا حکومەتا هەرێما کوردستانێ د ئاگەهداریا خۆ دا نڤیسیە.،” هەر پشکدارەکێ پیڤەرێ زیرەک بۆ هاتیە دانان ژ جورێ پیڤەرێ سینگل بیت دێ 40 ئەمپێر بۆ هێنە دان و هەر پشکدارەکێ پیڤەرێ 3 فێز دانایی دێ 90 ئەمپێر بۆ هێنە دان”.
هەروەسا نڤیسیە،” هەر پشکدارەکێ ئاستێ کارەبێ زێدەتر ژ وی ئاستێ وەزارەتێ دیار کری بکارئینا و ئەو زێدەگاڤیە ژ 45 چرکەیان دەربازبوو، کارەبا وێ مالێ دێ هێتە بڕین و پشتی 150 چرکەیان دوبار دێ ڤەگەریت، هەروەسا گەر د دەمێ 30 خۆلەکان دا 5 جاران ژ بەر زێدەگاڤیێ کارەبا پشکدارەکێ هاتە بڕین، کارەبا وان دێ بۆ دەما 45 خۆلەکان هێتە بڕین.
وەزارەتا کارەبێ دیار ژی کر کو د وەرزێن جودا یێن سالێ دا خواست و بەرهەمئینانا کارەبێ جودایە و داکو کونترۆلا کارەبێ بهێتە کرن و ب رەنگەکێ دادپەروەرانە و زێدەکرنا دەمژمێرێن کارەبا گشتی ئەو سیستەمە هاتیە دانان.
تُتاح هذه الصورة أيضا في: کوردی