پارتی: سوبههى دێ هەلوەستێ خۆیێ دوماهیێ ل دۆر هەلبژارتنێن كوردستانێ راگەهینین
گاڤ نیوز
فراکیسیۆنا پارتی دیمۆکراتی کوردستان ل پەڕلەمانێ کوردستانێ سوبەهی دێ کۆم بیت و هەلوەستێ خۆ دەربارەی کرن یان پاشخستنا هەلبژارتنان راگەهینیت.
پێشتر نێچیرڤان بارزانی، سەرۆکێ هەرێما کوردستانێ رۆژا 1/10/2022 وەک رۆژا هەلبژارتنێن پەڕلەمانێ کوردستانێ دیار کریە.
زانا مەلا خالد، سەرۆکێ فراکسیۆنا پارتی ل پەرلەمانێ کوردستانێ بۆ مالپەڕێ فەرمی یێ پارتی گۆتیە: سەرۆکێ هەرێما کوردستانێ ب دیارکرنا رۆژا هەلبژارتنان هەلوەستێ فەرمی یێ پارتی دیار کریە کو ب چ رەنگان ل گەل پاشخستنا هەلبژارتنان نینە.
هەروەسا گۆتیە: ئێکەتیا نشتیمانی بزاڤان دکەت بەهانەیان بۆ پاشخستنا هەلبژارتنان ببینیت، لێ پارتی وێ یەکێ قەبویل ناکەت و سوبەهی رۆژا سێشەمبی 5/4/2022 ل دەمژمێر 12:00 نیڤرۆ فراکسیۆنا پارتی ل پەرلەمانێ کوردستانێ دێ کۆم بیت و پشتی کۆمبوونێ دێ ب بەیانەکا فەرمی و کۆنگرەیەکێ رۆژنامەڤانی هەلوەستێ خۆ راگەهینیت.
تُتاح هذه الصورة أيضا في: کوردی