ئەمریکا بودجەیەک بۆ هاریکاریا هەرێما کوردستانێ پێشنیاز کر
گاڤ نیوز
وەزارەتا دەرڤە یا ئەمریکا پشکەکا بودجەیا خۆ یا سالا 2023یێ بۆ هەرێما کوردستانێ و ئیراقێ تەرخان کریە و چاڤەڕێیە کۆنگرێس پرۆژەیاسایا بودجەیا وێ پەسەند بکەت.
وەزارەتا دەرڤە یا ئەمریکا د پرۆژەیاسایەکێ دا داخوازا 60 ملیار و 400 ملیۆن دۆلاران کریە کو وەک بودجەیا وێ یا سالا 2023یێ بهێتە تەرخانکرن و کۆنگرێس دێ بریارا داویێ ل سەر پرۆژەیاسایێ دەت.
ژ وی پارەی، وەزارەتا دەرڤە یا ئەمریکا پتری 300 ملیۆن دۆلاران بۆ هاریکاریا هەرێما کوردستانێ و ئیراقێ د وارێن مەشقا سەربازی، پشتەڤانیا ئابۆری، بەرهنگاریا تیرۆرێ، راکرنا مینان، رێگریا بەلاڤبوونا چەکێن کۆمکوژ و هەروەسا بەرهنگاریا ماددەیێن هشبەر و چەندین وارێن دی پێشنیاز کرینە.
تُتاح هذه الصورة أيضا في: کوردی