پارتى هێرشا توركیا شهرمزار كر
گاڤ نيوز
فراكسيۆنا پارتى ديمۆكراتى كوردستان د پهرلهمانێ ئيراقێ دا ئهڤرۆ رۆژا چارشهمبيێ هێرشا توركيا ل سهر جههكێ گهشتيارى ل گوندێ پهرهخێ ل سنوورێ ناوچهداريا دهركارێ ل زاخۆ شهرمزار كر و داخوازا راوهستاندنا ڤان هێرشان كر.
ڤيان دهخيل پهيڤدارا فراكسيۆنا پارتى د پهرلهمانێ ئيراقێ دا د بهيانهكێ دا دياركر؛ ئهم وهك فراكسيۆنا پارتى ب توندترين شێوه ڤێ تاوانێ شهرمزار دكهين كو بوويه ئهگهرێ گيانژدهستدانا كهسێن مهدهنى، داخوازێ ژ حكومهتا توركيا دكهين كو كۆشتنا كهسێن بێگونههـ و ژن و زارۆكان براوهستينيت.
د بهيانێ دا هاتيه ژى؛ حكومهتا ئيراقێ د پاراستنا گيانێ وهلاتيان و سهروهريا وهلاتى دا يا كهمتهرخهمه چونكى تا نوكه نهشيايه ڤى بابهتى چارهسهر بكهت و نهشيايه پێگريێ ب رێككهفتنا شنگالێ و دهرئێخستنا چهكدارێن پهكهكێ ژ شنگالێ بكهت كو ژ لايێ چهندين وهلاتان و رێكخراوان ڤه وهك رێكخراوهكا تيرۆرستى دهێته پۆلينكرن.
بهيانێ ئاماژه دايه وێ چهندێ ژى؛ ئهم داخوازێ ژ ههمى هێزێن سياسى يێن نيشتيمانى يێن ئيراقى دكهين كو د بهرپرسيار بن و حكومهتهكا ب هێز كو بشێت بهرسينگێ ههڤڕكيان بگريت و سهروهريا وهلاتى بپارێزيت، پێكبينن دا كو گرهنتيا سلامهتيا ئاخا ئيراقێ ژ ههر دهستدرێژيهكێ ژ ههر لايهكێ بيت بكهت.
د تۆپبارانكرنهكا توركى دا ل سهر جههكێ گهشتيارى ل گوندێ پهرهخێ ل قهزا زاخۆ تا نوكه 10 كهسان گيانێ خۆ ژدهستداينه و 26 كهسێن دى بريندار بوونه، ئهڤ چهنده ل گۆرهى پێزانينێن پهيامنێرێ گاڤ نيوز ل سنوورێ زاخۆ.
تُتاح هذه الصورة أيضا في: کوردی