لە هەرێمى کوردستان حەوت هەزار قوتابخانە و نزیکەى دوو ملیۆن قوتابى و 126 هەزار مامۆستا هەیە
باسنیوز:
جێگرى سەرۆکى یەکێتیى مامۆستایانى کوردستان ڕایگەیاند، لە هەرێمى کوردستان حەوت هەزار قوتابخانە و نزیکەى دوو ملیۆن قوتابى و 126 هەزار مامۆستا هەیە کە بەشێکى زۆریان وانەبێژن.
عەتا ئەحمەد، جێگرى سەرۆکى یەکێتیى مامۆستایانى کوردستان، بە (باسنیوز)ى ڕاگەیاند: “بەپێی ئامارێکی وەزارەتی پەروەردەى حکوومەتى هەرێمى کوردستان نزیکەی حەوت هەزار قوتابخانە و یەک ملیۆن و 815 هەزار قوتابی لە هەرێمى کوردستان هەیە”.
گوتیشى: “بەهۆى وەستانى دامەزراندنەوە کە پێشووتر وەزارەتى پەروەردە ساڵانە بەشى خۆى لە دامەزراندن هەبوو، بەشێکى زۆری مامۆستایان وانەبێژن، بۆ چارەسەرکردنى ئەو گرفتەش داوامان کردووە کە ساڵانە هیچ نەبێت بەرامبەر ژمارەی مامۆستایان کە خانەنشین دەکرێن، ئەو مامۆستایانە دابمەزرێن، چ بە شێوەى گرێبەست، یان هەمیشەیى، بۆ ئەوەى ئومێدیان لەسەر کارەکەیان هەڵچنن”.
بە گوتەى جێگرى سەرۆکى یەکێتیى مامۆستایانى کوردستان زیاتر لە 20 هەزار مامۆستای وانەبێژ هەیە کە زۆربەیان لە پەروەردەکانى دەرەوەى شارەکانن .
ئەو گوتانەى جێگرى سەرۆکى یەکێتیى مامۆستایان هاوکاتى کردنەوەى دەرگاى قوتابخانەکانە لە هەفتەى داهاتوودا.
س.س
تُتاح هذه الصورة أيضا في: کوردی