سەرۆکێ حکومەتێ د سالرۆژا جینۆسایدا ئەنفالێ دا پەیامەک بەلاڤکر
گاڤ
سەرۆکێ حکومەتا هەرێما کوردستانێ ژ حکومەتا ئیراقێ خواست زیانڤێکەفتی و کەسوکارێن ستەملێکریێن دەستێ رژێما بەرێ یا ئیراقێ قەرەبۆ بکەن.
مەسروور بارزانی، سەرۆکێ حکومەتا هەرێما کوردستانێ د سالرۆژا جینۆسایدا ئەنفالێ دا پەیامەک بەلاڤکر و دیارکر؛ تاوانا ئەنفالێ جینۆسایدەکا درندانەبوو، نە تنێ دژی گەلێ کوردستانێ، بەلکی دژی هەمی بهایێن مرۆڤی و ئەخلاقیان بوو کو هەتا نوکە ب مخابنی ڤە هێشتا برینێن وێ ساخ نەبووینە.
سەرۆکێ حکومەتێ دیارکرژی؛ ئەو ژ حکومەتا ئیراقێ دخوازن ئەرک و بەرپرسیارەتیا ئەخلاقی و دەستووریێ خۆ بجهـ بینن و زیانڤێکەفتی و بنەمال و کەسوکارێن ستەملێکریێن دەستێ رژێما بەرێ یا ئیراقێ ب شێوەیەکێ هەژی قەرەبۆ بکەت و هاریکاریا حکومەتا هەرێما کوردستانێ ژی بکەت داکو بشێوەیەکێ باشتر خزمەتا کەسوکارێن سەربلندێن شەهیدان بکەت.
تُتاح هذه الصورة أيضا في: کوردی