كۆمسیۆنا ههلبژارتنێن ئیراقێ: 7 مەهـ بۆ ئامادەکاریێن هەلبژارتنێن پەرلەمانێ کوردستانێ دپێدڤی نە
گاڤ – تایبهت
كۆمسیۆنا بلند یا سهربهخۆ یا ههلبژارتنان ل ئیراقێ بۆ گاڤ راگههاند، وان پێدڤى ب نێزیكى 7 مههان ههیه داکو خۆ بۆ ههلبژارتنێن پهڕلهمانێ كوردستانێ بەرهەڤ بکەن و دیار دكهت، ئهو چاڤهڕێى سهرۆكاتیا ههرێمێ نه بۆ وێ یهكێ ژڤانهكى بۆ دهما ههلبژارتنان دیار بكهت.
جومانا گلایى، پهیڤدارا كۆمسیۆنا ههلبژارتنێن ئیراقێ بۆ گاڤ راگههاند، 6 تا 7 مههان دڤێن تا ههلبژارتنێن ههرێما كوردستانی بهێنه كرن.
جومانا گلایى، پهیڤدارا كۆمسیۆنا بلند یا سهربهخۆ یا ههبژارتنێن ئیراقێ بۆ گاڤ گۆت: كۆمسیۆنا ههلبژارتنێن ئیراقێ بهرههڤه سهرپهرشتیا ههلبژارتنێن ههرێما كوردستانێ بكهت و نڤیسینگههێن خۆ ل ههر ئێك ژ ههولێر، سلێمانیێ و دهۆكێ بدەتە کاری.
ههروهسا دیاركر، كۆمسیۆن دێ دیاركهت ههلبژارتن بازنهیى بن یان ژى ب شێوهیهكێ دى، لێ تۆمارا دهنگدهران یا سالا 2021ێ دێ هێته نووكرن و دێ د ههلبژارتنان دا هێته بكارئینان و باشتره ب شێوهیێ ئهلكترۆنى ههلبژارتن بهێنهكرن.
ههروهسا ئاشكراكر، ئهو نوكه ب بهردهوامى كار دكهن ههلبژارتن بهێنه كرن و نوكه ئهو چاڤهڕێى سهرۆكاتیا ههرێما كوردستانێ نه دهمهكى بۆ كرنا ههلبژارتنان دیار بكهت.
تُتاح هذه الصورة أيضا في: کوردی