خالد عەباس: ل 13 ی ھەیڤا بهێت دێ دەنگدەرێن ئاوارە ھێنە تۆمارکرن
ئاژانسا خانی:
ل پارێزگەھا دھۆکێ بەرھەڤی بۆ برێڤەچوونا پرۆسا ھەلبژارتنێن جڤاتا پارێزگەھێن عێراقێ ھاتینە دەستپێکرن و بەرپرسێ ئوفیسا دھۆک یا کۆمسیۆنێ ژی ئاشکرا کر، ل رۆژا 13 ی ھەیڤا بهێت دێ دەست ب تۆمارا دەنگدەرێن ئاوارە ھێتە کرن.
خالد عەباس، رێڤەبەرێ ئۆفیسا دھۆک یا کۆمسیۆنا ھەلبژارتنێن عێراقێ بۆ ئاژانسا خانی دیارکر” زۆرترین رێژا ئاوارێن عێراقێ ل سنورێ پارێزگەھا دھۆکێ ههنە، بەلێ نوکە نەشێم بێژم مە چەند دەنگدەرێن ئاوارە ھەنە بۆ پرۆسا ھەلبژارتنێن جڤاتێن پارێزگەھێن عێراقێ، رۆژا ١٣ی ھەیڤا بهێت دێ دەست ب تۆمارکرنا دەنگدەرێن ئاوارە ھێتە کرن و ھەتا رۆژا 10 ی ھەیڤا تەباخێ دێ ڤەکێشیت، وی دەمی دێ دیار بیت چەند کەسان دێ ماف ھەبیت ل دھۆکێ دەنگی بدەن.
خالد عەباس گۆت ژی” بەرھەڤی ھاتینە دەستپێکرن بۆ برێڤەچوونا ھەلبژارتنێن جڤاتێن پارێزگەھێن عێراقێ و پێداچوون یا دھێتە کرن بزانین مە چەند بنگەھێن دەنگدانێ ھەنە و چەند ئامیر و سندۆقێن دەنگدانێ د بەرھەڤن بۆ رۆژا دەنگدانێ ب شێوەکێ گشتی ئەم یێ خوە بەرھەڤ دکەین بۆ ڤێ چەندێ پرۆسا ھەلبژارتنان بھێتە ئەنجامدان.
تُتاح هذه الصورة أيضا في: کوردی