مەسرور بارزانی: وەبەرهێنانێ پێتڤی ب سیستەمەکێ بانکیێ کارا و باوەرپێکری هەیە
باسنيوز:
ئەڤرۆ سێشەمبی 17/10/2023، ب سەرپەرشتیا مەسرور بارزانی، سەرۆکێ حکوومەتا هەرێما کوردستانێ و ئامادەبوونا قوباد تەلەبانی، جێگرێ سەرۆکێ حکوومەتێ، جڤاتا بلندا وەبەرهێنانێ کۆم بوو.
د کۆمبوونێدا، گۆتۆبیژ دەربارەی پەرەپێدانا زێدەتر یا وەبەرهێنانێ و پێشخستن و راکێشانا پرۆژێن وەبەرهێنانێ و نەهێلانا رێگریێن بەرامبەر پرۆسا وەبەرهێنانێ ل هەرێما کوردستانێ کرن.
سەرۆکێ حکوومەتێ دووپات کر کو دێ هەمی بزاڤەکێ دەن تاکوو هەمی رێگریێن یاسایی و بیرۆکراسان د بەرامبەر پرۆسا وەبەرهێنانێدا نەهێلین، د ڤی واریدا کارێن زۆر هاتنە کرن، بەلێ دێ کارێن زۆرتر ژی ئەنجام دەین بۆ ئاسانکاریێن زێدەتر بۆ وەبەرهێنەران.
سەرۆکێ حکوومەتێ ئاماژە ب وێ دا کو وەبەرهێنانێ پێتڤی ب سیستەمەکێ بانکی یێ کارا و باوەرپێکری هەیە، ژبەرهندێ مە دەست ب ئەنجامدانا پرۆسا چاکسازیێ د بوارێ سیسته‌مێ بانکی و ب دیجیتالکرنا خزمەتگوزاریێن بانکی کریە هەتا کۆ هەرێما کوردستانێ ژ بازارێ پارێ کاش، بەر ب بازارەکێ خودان سیستەمێ بانکی یێ باوەرپێکری بهێتە گۆرین و دئەنجامدا ئابوورێ هەرێما کوردستانێ زێدەتر بیت.
ل دماهیکا کۆمبوونێدا، چەندین بریار دەربارەی نەهێلانا ئاریشێن بەرامبەر پرۆسا وەبەرهێنانێ ل هەرێما کوردستانێ هاتنە دان.
تُتاح هذه الصورة أيضا في: کوردی